Էնտեղ, ուր հովը խաղում է ազատ
Ու ջուրն աղմկում, անվերջ փրփրում,
Էնտեղ իր բարի, իր սիրող մոր հետ
Մի շատ անհանգիստ տղա էր ապրում,
Մի գորշ խրճիթում,
Մի հին խրճիթում,
Գետի եզերքին,
Ծառերի տակին։
Մի օր էլ եկավ անհանգիստ տղան,
Կանգնեց իր բարի, իր սիրող մոր դեմ.
«Մայրիկ, էստեղից պետք է հեռանամ.
Միակ ձանձրալի տեղը, որ գիտեմ,
Էս գորշ խրճիթն է,
Էս հին խրճիթն է,
Գետի եզերքին,
Ծառերի տակին։
Թո՛ղ գնամ շրջեմ աշխարհից աշխարհ,
Ճամփորդեմ լավ-լավ տներ տեսնելու,
Ամենից լավը ընտրեմ մեզ համար,
Գամ քեզ էլ առնեմ ու փախչենք հեռու
Էս գորշ խրճիթից,
Էս հին խրճիթից,
Գետի եզերքին,
Ծառերի տակին»։
Ու գնաց, երկար թափառեց տղան,
Մեծ ու հոյակապ շատ տներ տեսավ,
Բայց միշտ, ամեն տեղ պակաս Էր մի բան…
Ու հառաչելով ետ վերադարձավ
Էն գորշ խրճիթը,
Էն հին խրճիթը,
Գետի եզերքին,
Ծառերի տակին։
«Գտա՞ր, զավա՛կս», հարցրեց մայրը,
Ուրախ, նայելով իր տղի վրա։
«Ման եկա, մայրի՛կ, աշխարհից աշխարհ,
Ամենից սիրուն, լավ տունը, որ կա,
Էս գորշ խրճիթն է,
Էս հին խրճիթն Է,
Գետի եզերքին,
Ծառերի տակին»։
- Բնութագրի՛ր բանաստեղծության տղային, մորը: Բարի, սիրող, ծեր, տանջված, հոգատար։
- Ի՞նչ երազանք ուներ տղան:Տղան երազում էր գնալ և գտնել նոր, ավելի մեծ, հարմարավետ , շքեղ տուն։
- Նկարագրի՛ր տղայի խրճիթը:Հին, փոքր, կիսաքանդ, գորշ, խրճիթ ։
- Նկարագրի՛ր քո տունը և տեղադրի՛ր բլոգումդ:Մեր տունը փոքր է բայց հարմարավետ ։ Մեր տունը գեղեցիկ է, բայց լավ կլիներ որ, միքիչ մեծացնեինք։
- Նկարի՛ր այն տունը, որտեղ կցանկանայիր ապրել: Սա էլ իմ երազանքի տունն է ՝
Մխիթարյան Գոհար 